الیکشن میں شکست کا خوف : قومی اسمبلی میں تین رکنی بینچ کے فیصلے کے خلاف قرارداد منظور

 

الیکشن میں شکست کا خوف : قومی اسمبلی میں تین رکنی بینچ کے فیصلے کے خلاف قرارداد منظور

آج وہی لوگ آئین کو اپنے پیروں تلے روندنے پرتلے ہیں جو کل آئین بچانے کے دعویدارتھے وہی اسمبلی جو سپریم کورٹ کے حکم کے بعد معرضِ وجود میں آئی تھی آج وہی اسمبلی اسی سپریم کورٹ کے حکم کو ماننے سے انکاری ہے اوراپنے مفاد کے لیے وہ سب کچھ کرنے پر تُلی ہوئی ہےجو قوم وملک کے مفاد میں کسی صورت میں نہیں ہے۔آج  قومی اسمبلی  نے سپریم کورٹ  کے پنجاب میں انتخابات ملتوی کرنے کے الیکشن کمیشن آف پاکستان  کے فیصلے کو "غیر قانونی" قرار دینے کے خلاف قرارداد منظور کی۔چیف جسٹس عمر عطا بندیال کی سربراہی میں جسٹس منیب اختر اور جسٹس اعجاز الاحسن پر مشتمل تین رکنی بینچ نے صوبے میں انتخابات کے لیے 14 مئی کی تاریخ بھی مقرر کی تھی۔بلوچستان عوامی پارٹی  کے رہنما خالد مگسی نے یہ قرارداد موجودہ حکومت کی اتحادی جماعتوں کی جانب سے تیار کیے جانے کے بعد قومی اسمبلی میں پیش کی۔اسمبلی میں قرارداد پڑھتے ہوئے خالد مگسی نے کہا کہ تین رکنی بنچ نے ان چار ججوں کے اکثریتی فیصلے کو نظر انداز کر دیا جو پہلے بنچ کا حصہ تھے۔ انہوں نے مزید کہا کہ اس فیصلے سے عدالت کی روایات، نظیروں اور طریقہ کار کی خلاف ورزی ہوئی ہے۔

خالد مگسی نے کہا کہ اقلیت کو اکثریت پر مسلط کیا گیا اور پارلیمنٹ تین رکنی اقلیتی بنچ کے فیصلے کو مسترد کرتی ہے اور اکثریتی بنچ کے فیصلے کو آئین و قانون کے مطابق غیر موثر قرار دیتی ہے۔خالد مگسی نے کہا کہ قومی اسمبلی کے اجلاس نے سپریم کورٹ کے تین رکنی بینچ کے آئین پاکستان کے آرٹیکل 184 (3) کے تحت دائر مقدمات کو فل کورٹ اجلاس کے فیصلوں تک سماعت کے لیے مقرر نہ کرنے کے فیصلے کی حمایت کی۔انہوں نے عجلت میں ایک اور متنازع بنچ کے سامنے سنائے جانے والے عدالتی فیصلے اور چند منٹوں میں عجلت میں دیئے گئے فیصلے پر شدید تحفظات کا اظہار کیا۔انہوں نےمزید کہا، "اس طرح کی کارروائی واضح طور پر سپریم کورٹ کی روایات اور نظیروں کے خلاف ہے، اور ناقابل قبول ہے،" انہوں نے مزید کہا کہ ایوان نے سیاسی معاملات میں عدالتی مداخلت پر تشویش کا اظہار کیا۔

بلوچستان عوامی پارٹی  کے رہنما خالد مگسی نے کہا کہ "اقلیتی حکمرانی" ملک میں سیاسی عدم استحکام پیدا کر رہی ہے اور اس فیصلے نے وفاقی اکائیوں میں تقسیم کی راہ ہموار کی۔

یہ ایوان ملک بھر میں ایک ہی وقت میں عام انتخابات کے انعقاد کو تمام مسائل کا حل سمجھتا ہے۔"یہ ایوان تین رکنی بنچ کے اقلیتی فیصلے کو مسترد کرتا ہے، وزیر اعظم اور کابینہ کو مشورہ دیتا ہے کہ وہ غیر آئینی اور غیر قانونی فیصلے کو نہ مانیں"۔انہوں نے مزید کہا کہ قومی اسمبلی نے آئین کے آرٹیکل 63(A) کی غلط تشریح اور سپریم کورٹ کی طرف سے اس کی دوبارہ تحریر پر بھی شدید تشویش کا اظہار کیا۔خالد مگسی نے کہا کہ سپریم کورٹ کی فل کورٹ فیصلے پر نظرثانی کرے۔پنجاب انتخابات میں تاخیر کے خلاف سپریم کورٹ سے رجوع کرنے والی پاکستان تحریک انصاف (پی ٹی آئی) نے قومی اسمبلی کی قرارداد مسترد کردی۔